Bókin > Myndin

Jæja maður bjóst svo sem ekkert við of miklu af nýju Harry Potter myndinni, bókin er sú lengsta af þeim öllum og eflaust verið vandamál að koma öllu til skila. Fannst alltof mikið af góðum atriðum úr bókinni sleppt, St Mongos (?) spítalinn þar ofarlega í flokki.  Ímynda mér að þeir sem hafa ekki lesið bækurnar hljóti að finnast myndin ansi götótt á köflum og mikið af húmornum fer framhjá þeim sem ekki hafa lesið bækurnar.

Leikurinn hjá krökkunum var misjafn eins og áður, hann virðist þó fara batnandi eftir því sem þau verða eldri. Stelpan sem lék Luna Lovegood  fannst mér samt alveg frábær, alveg eins og ég sá hana fyrir mér. "Endabardaginn" var fínn og fannst mér sérstaklega skemmtilegt að hann var ekki klukkutími að lengd eins og virðist vera svo vinsælt þessa daganna (Pirates 3, Transformers og fleiri)

Jæja nóg af þessu, seinasta bókin sem kemur nú út í mánuðinum veldur vonandi ekki vonbrigðum :)

 

 

Mikil aðsókn að Harry Potter og Fönixreglunni